ភ្នំពេញ៖ ១១ខែ ឆ្នាំ២០២៣នេះ ទំហំពាណិជ្ជកម្មរវាងកម្ពុជា-អន្តរជាតិសម្រេចបាន ៤៣,៥២ពាន់លានដុល្លារអាមេរិក ក្នុងនោះការនាំចេញសម្រេចបាន ២១ពាន់លានដុល្លារ កើនឡើង ៤,០៨ភាគរយ ហើយការនាំចូលសម្រេចបាន ២២ពាន់លានដុល្លារ ថយចុះ ២០ភាគរយ បើធៀបនឹងរយៈពេលដូចគ្នានឹងឆ្នាំ២០២២។

នេះបើតាមការបញ្ជាក់ឱ្យដឹងពីរបាយការណ៍ដែលអានដោយរដ្ឋមន្រ្តីក្រសួងពាណិជ្ជកម្ម លោកស្រី ចម និម្មល នាពិធី «បិទសន្និបាតបូកសរុបលទ្ធផលការងារពាណិជ្ជកម្មឆ្នាំ២០២៣ និងទិសដៅការងារឆ្នាំ២០២៤» នៅទីស្តីការក្រសួងពាណិជ្ជកម្ម នារសៀលថ្ងៃទី២២ ខែធ្នូ ឆ្នាំ២០២៣។

លោកស្រីរដ្ឋមន្ត្រី បានបញ្ជាក់ថា នៅឆ្នាំ២០២៣ ក្រសួងពាណិជ្ជកម្មបានចុះបញ្ជីសហគ្រាសក្រុមហ៊ុនបានចំនួន ១៧ ០៣២សហគ្រាស ខណៈសរុបមានចំនួន ៥៦ ៤៤៥សហគ្រាស៕